சண்முகா நடுநிலைப்பள்ளி, ஸ்ரீரங்கம், “தேசிய அறிவியல் தின விழா”.

28.02.2025

ஸ்ரீரங்கம் சண்முகா நடுநிலைப்பள்ளியில் தேசிய அறிவியல் தினம் விமர்சையாகக் கொண்டாடப்பட்டது.

விழாவின் தொடக்கத்தில் பள்ளி ஆசிரியை கோ. ஜெயந்தி அனைவரையும்  மகிழ்ச்சியுடன் வரவேற்றார். இந்நிகழ்வின் முக்கியத்துவத்தை விளக்கி, மாணவர்களுக்குள் அறிவியல் ஆர்வத்தை ஊட்டும் வகையில் உரையாற்றினார்.


சர் சி.வி. ராமனின் அறிவியல் சாதனைகள்:
குழந்தைகள் செல்வி. சுகப்பிரியா மற்றும் செல்வி. பவானி ஆகியோர் சர் சி.வி. ராமன் அவர்களின் வாழ்க்கை வரலாறும், ராமன் விளைவு எனும்  கண்டுபிடிப்பும் பற்றிய தகவல்களை பகிர்ந்து, மாணவர்களுக்கு அறிவியலின் அதிசயங்களை அறிமுகம் செய்தனர்.

சிறப்பு விருந்தினர் உரை:
விழாவின் சிறப்பு விருந்தினராக காஞ்சிபுரம் மாவட்ட ஆசிரியர் கல்வி மற்றும் பயிற்சி நிறுவனத்தின் முன்னாள் முதல்வர் எஸ். சிவகுமார் அவர்கள் கலந்து கொண்டு, மாணவர்களுடன் அறிவியல் தொடர்பான கருத்துகளை பகிர்ந்து கொண்டார். அறிவியல் தினத்தின் முக்கியத்துவம், அறிவியல் ஆராய்ச்சியின் மகத்துவம், மற்றும் ஒவ்வொரு மாணவரும் சிறு விஞ்ஞானியாக உருவாக வேண்டிய அவசியம் பற்றிய உணர்வூட்டும் உரை மாணவர்களை பெரிதும் ஈர்த்தது.

நிகழ்ச்சி ஏற்பாடுகள்:
விழாவின் சிறப்பான  பள்ளி தலைமை ஆசிரியை துரை. பாக்கியம் அவர்கள் கவனித்து, விழா இனிதே நடைபெற ஏற்பாடுகளை செய்திருந்தார். நிகழ்ச்சியின் முடிவில் வ. ஆனந்தவல்லி நன்றி உரை வழங்கி, விழாவைச் சிறப்பித்த அனைவருக்கும் தனது மனமார்ந்த நன்றியை தெரிவித்தார்.

இவ்விழா மாணவர்களின் அறிவியல் ஆர்வத்தையும், ஆராய்ச்சி மனப்பான்மையையும் தூண்டி, எதிர்காலத்தில் புதிய விஞ்ஞானிகள் உருவாகும் விதமாக சிறப்பாக அமைந்தது. அறிவியலை நேசிப்போம், அறிவியலால் வளர்ச்சி அடைவோம்!