“தேசிய குடற்புழு தினம்: திருச்சியில் மாணவர்களுக்கு விழிப்புணர்வு மற்றும் ஆரோக்கியம் மேம்படுத்தும் நடவடிக்கைகள்”!

தமிழக அரசின் உத்தரவின்படி, மாநிலம் முழுவதும்  (10.02.2025) தேசிய குடற்புழு தினம் சுகாதாரத் துறையின் மூலம் கொண்டாடப்பட்டது.

இதன் ஒரு பகுதியாக, திருச்சி மாவட்டம் திருவானைக்கோவில் நகராட்சி தொடக்கப்பள்ளி சன்னதி வீதியில் பள்ளி மாணவர்களுக்கு குடற்புழு நீக்க மாத்திரைகள் வழங்கப்பட்டன.

மேலும், மாணவர்களுக்கு குடற்புழுவின் தாக்கம் மற்றும் அதன் தடுப்பு நடவடிக்கைகள் குறித்து “அரசு வழங்கிய ஸ்மார்ட் போர்டு” வழியாக காணொளிகள் காண்பிக்கப்பட்டு, ஆசிரியர்கள் விளக்கம் வழங்கினர்.

குடற்புழு தொற்று குழந்தைகளின் ஆரோக்கியத்தை பாதிக்கக்கூடியது. இது இரத்தச்சோகை, ஊட்டச்சத்து குறைபாடு, வளர்ச்சியில் தடங்கல், மற்றும் நோயெதிர்ப்பு சக்தி குறைவு போன்ற பிரச்சனைகளை ஏற்படுத்தக்கூடும். இதை தவிர்க்கும் வகையில், பள்ளி மாணவர்களுக்கு பாதுகாப்பு நடவடிக்கைகள் எடுத்துக்கொள்ளப்படுவது முக்கியமானது.

காஞ்சிபுர மாவட்ட ஆசிரியர் கல்வி மற்றும் பயிற்சி நிறுவன முன்னாள் முதல்வர் திரு. S.சிவகுமார், குடற்புழுவின் தாக்கம், அவற்றின் முன்னெச்சரிக்கை நடவடிக்கைகள் குறித்து மாணவர்களுடன் கலந்துரையாடினார்.

மாணவர்கள் தங்கள் அன்றாட வாழ்க்கையில் சுத்தம் மற்றும் கைகளை கழுவும் பழக்கத்தைக் கடைப்பிடிக்க வேண்டும் என்பதையும் அவர் எடுத்துரைத்தார்.

இந்நிகழ்வில், சுகாதார அலுவலர்கள், ஆசிரியர்கள் ரெ.சக்தி, ஆ.பெல்சிட்டா மேரி ஆகியோர் கலந்து கொண்டு, குடற்புழு தொற்றை குறைக்கும் வழிகள், சுத்தமுள்ள உணவுகள், மற்றும் சுகாதார நடைமுறைகள் பற்றிய விழிப்புணர்வு ஏற்படுத்தினர்.

ஆரோக்கிய முக்கியத்துவம்:

குடற்புழு தொற்று குழந்தைகளின் உடல் ஆரோக்கியத்தையும், அவர்களின் அறிவுத்திறனையும் பாதிக்கக்கூடியது. இதை தவிர்க்க,  குடற்புழு மாத்திரைகளை எடுத்துக்கொள்வது, உடல் சுத்தம், நகங்கள் வெட்டுதல், தண்ணீரை கொதிக்க வைத்து குடித்தல், சுத்தமான உணவுகளை உட்கொள்வது போன்ற நடைமுறைகளை பின்பற்றுதல் முக்கியமானது.

இந்த விழிப்புணர்வு நிகழ்வுகள் மாணவர்களின் ஆரோக்கிய வாழ்விற்கு வழிவகுக்கும் என்பதால், இது அரசின் முக்கியமான முன்னெச்சரிக்கை நடவடிக்கையாகும்.