“வீடுகள் தோறும் சுய கற்றல் மையங்கள்”.

” புதிய தலைமுறை உருவாக்கும் பள்ளி”

“ஊராட்சி ஒன்றிய நடுநிலைப்பள்ளி,
புதுக்குளம்,
நாங்குநேரி ஒன்றியம்,
திருநெல்வேலி மாவட்டம்.
29.12.2024

ஆக்கம்:
எஸ். சிவகுமார் முதல்வர் (பணி நிறைவு) மாவட்ட ஆசிரியர் கல்வி மற்றும் பயிற்சி நிறுவனம்
காஞ்சிபுரம் மாவட்டம்
Mob.6383690730.

அறிமுகம்:
சுயகற்றல் என்பது குழந்தைகளின் தனிநபர் திறன் மேம்பாட்டுக்கும் அறிவாற்றலுக்கும் அடிப்படை தளமாகும்.

குழந்தைகள் தங்களின் ஆர்வத்தினைப் பின்பற்றி, தங்களைத் தாங்களே கற்றுக் கொள்வதன் மூலம் பல்வேறு ஆற்றல்களை வளர்த்து கொள்கிறார்கள்.

இத்தகைய சுயகற்றல் முறையை மேலும் சிறப்பாக செயல்படுத்த தலைமை ஆசிரியை, ஆசிரியர், பெற்றோர் மற்றும் குழந்தைகள் இணைந்து செயல்படுகிறார்கள்

தலைமை ஆசிரியை பள்ளியின் முழுமையான வளர்ச்சிக்கு வழிகாட்டியாக செயல்படுவதோடு, சுயகற்றலின் முக்கியத்துவத்தை அனைவருக்கும் புரிய வைக்கிறார்.

ஆசிரியர்கள் குழந்தைகளின் திறன்களையும் ஆர்வங்களையும் கண்டறிந்து, அவர்களுக்கு வழிகாட்டும் கட்டமைப்பாக செயல்படுகிறார்கள்.

பெற்றோர்கள் வீட்டில் குழந்தைகளுக்கு ஒரு நல்ல கற்கும் சூழலை உருவாக்கி, அவர்களை உற்சாகப்படுத்துகிறார்கள்.

குழந்தைகளும் சுயகற்றலின் மூலம் தங்கள் ஆர்வங்களை வளர்த்துக்கொண்டு, கல்வியில்  முன்னேறி கொண்டிருக்கிறார்கள்.  

இந்த அணுகுமுறை கல்வியில் குழந்தைகளின் முழுமையான வளர்ச்சிக்கு வலுவான அடித்தளமாக அமைகிறது.

சுயகற்றலின் மூலம் புதிய தலைமுறை, அறிவாற்றலிலும், சமூகக் கற்றல் முறைகளிலும் உயர்ந்து திகழும்.

அதனால், தலைமை ஆசிரியை, ஆசிரியர், பெற்றோர் மற்றும் குழந்தைகள் அனைவரும் கைகோர்த்து செயல்படுகிறார்கள்.

இதன் மூலம் குழந்தைகளின் கல்வி வாழ்க்கை மட்டுமின்றி, அவர்களின் எதிர்காலமும் ஒளிமயமாகும்.
நன்றி.