உலக புத்தக தின விழா – ஆவூர் ஊர்புற நூலகத்தில் சிறப்பாக நடைபெற்ற விழா
ஏப்ரல் 23 – உலகம் முழுவதும் புத்தகங்களை மற்றும் வாசிப்பைப் பெருமைப்படுத்தும் நாள். இந்நாளை ஒட்டி, ஆவூர் ஊர்புற நூலகத்தில் உலக புத்தக தின விழா விழுமியமாக நடைபெற்றது. இவ்விழாவில் பலர் கலந்து கொண்டு வாசிப்பின் முக்கியத்துவத்தைப் பற்றி தங்கள் உரைகளை நிகழ்த்தினர்.

விழாவின் துவக்க உரையை நூலகர் திருமதி ப. நாக லெட்சுமி அவர்கள் ஆற்றினார். உலக புத்தக தினம் 1995 ஆம் ஆண்டு முதல் யுனெஸ்கோவின் துணையுடன் கொண்டாடப்பட்டு வருவதாகவும், இதன் நோக்கம் பொதுமக்கள் வாசிப்பு பழக்கத்திற்குள் ஈடுபடுவதை ஊக்குவிப்பதாகவும் அவர் எடுத்துரைத்தார்.

“வாசிப்பை நேசிப்போம்” என்ற தலைப்பில், ஆவூர் அரசு மேல்நிலைப்பள்ளியின் ஆசிரியர் திருமதி சந்தியா சலோமி அவர்கள் உரையாற்றினார்கள்.

வாசிப்பு என்பது அறிவை வளர்ப்பதோடு மன அமைதியையும் மகிழ்ச்சியையும் தருவதாகும் என்றும், வாசிப்பின் மூலம் தனக்கு ஏற்பட்ட மாற்றங்களை பகிர்ந்தார். மேலும், உலகப் புகழ் பெற்ற “The Old Man and the Sea” மற்றும் “Roots” ஆகிய நாவல்களின் தமிழாக்கங்களை (கடலும் கிழவனும், ஏழு தலைமுறைகள்) குறித்தும் அவற்றை குறைந்தது ஒரு முறையாவது படிக்க வேண்டும் என்ற அவசியத்தை வலியுறுத்தினார்.

நூலக நண்பர் திருமதி சகாய மேரி அவர்கள், புத்தக வாசிப்பு பழக்கத்தின் முக்கியத்துவத்தை வலியுறுத்தினார். இளம்வயதில் வாசிப்பு பழக்கம் ஏற்படவேண்டும் என்றும், கல்வி ஒவ்வொருவரது வாழ்க்கையிலும் எவ்வாறு மாற்றத்தை ஏற்படுத்தும் என்பதை எடுத்துரைத்தார். மாணவ, மாணவிகள் தங்களுக்குக் கிடைத்துள்ள வாய்ப்புகளை சிறப்பாக பயன்படுத்தி உயர்ந்து வளர வேண்டும் என்றார்.

கால்நடை மருத்துவர் திருமதி இராஜேஸ்வரி அவர்கள், அறிவியல் சார்ந்த தகவல்களை மாணவர்களிடம் பகிர்ந்து, இரத்த சோகை பற்றிய விழிப்புணர்வை ஏற்படுத்தினார். மேலும், உயர்கல்வி குறித்து ஆர்வத்துடன் பேசினார்.
பட்டதாரி ஆசிரியர் திருமதி கனக முத்து அவர்கள், நூலகத்தின் பயன்பாட்டை விளக்கியதுடன், மாணவ, மாணவிகள் தொடர்ந்து நூலகத்துக்கு வருகை தந்து வாசிப்பை வளர்க்க வேண்டும் என்றும், நல்ல புத்தகங்கள் நல்ல பழக்கங்களை உருவாக்கும் என்பதையும் அழுத்தமாக கூறினார். நிகழ்ச்சி முடிவில் வாசகர் வட்டத் தலைவர் திருமதி ஜெய மேரி அவர்கள் நன்றியுரை வழங்கி, அனைவரும் நூலகத்தை முழுமையாகப் பயன்படுத்தி பயனடைய வேண்டும் என்று வலியுறுத்தினார்.

இந்நிகழ்ச்சியில் ஆவூர் அரசு மேல்நிலைப்பள்ளி முதுநிலை கணினி ஆசிரியர் திருமதி மைவிழி தேவி, நூலக உதவியாளர் திருமதி அனுசுயா, வாசகர் வட்ட உறுப்பினர் செல்வி சந்தன மேரி மற்றும் ஆவூர் அரசு மேல்நிலைப்பள்ளி மற்றும் ஆர்.சி. உதவி பெறும் துவக்கப்பள்ளியின் மாணவ, மாணவிகள் என பலர் கலந்து கொண்டு விழாவை சிறப்பித்தனர். மூலம்: இந்த உலக புத்தக தின விழா நிகழ்ச்சி, வாசிப்பு என்ற நற்பழக்கத்திற்கான முக்கியத்துவத்தை மாணவ, மாணவிகள் மனதில் உறுத்தி, புத்தகத்தின் மீது அவர்களின் ஈடுபாட்டையும், ஆர்வத்தையும் அதிகரிக்க செய்தது. இவ்விழா, வாசிப்பின் மீதான விழிப்புணர்வை ஊட்டும் ஒரு நல்ல முன்னெடுப்பாக அமைந்தது.